مع تمنياتي بالإستمتاع بالقراءة


MR:A7MED IBRAHEM
 
الرئيسيةالبوابةمكتبة الصورالأعضاءالتسجيلدخول
كل عام وانتم بخير بمناسبه حلول شهر رمضان الكريم أعاده الله علينا وعليكم بالخير واليمن والبركات ونسأل الله فى هذا الشهر الكريم ان يتقبل منا ومنكم صالح الاعمال
بحـث
 
 

نتائج البحث
 
Rechercher بحث متقدم
ساعة
المواضيع الأخيرة
» كيف تعرف شخصيتك من تاريخ ميلادك
الخميس مارس 28, 2013 7:09 pm من طرف هاله الرفاعي

» صراع الحضارات
الأربعاء مارس 13, 2013 10:09 pm من طرف هاله الرفاعي

» لعنة الفراعنة
الثلاثاء مارس 12, 2013 3:48 am من طرف هاله الرفاعي

» التحنيط
الأحد مارس 10, 2013 4:08 am من طرف هاله الرفاعي

» أدخل شوف العبقرية
الأحد نوفمبر 06, 2011 9:11 am من طرف basel_elmasry

» يا عم امشى د مبارك مشى
الإثنين أغسطس 29, 2011 9:03 am من طرف أحمد ابراهيم

» خلاص بطلت اشجع ارسنال تانى
الإثنين أغسطس 29, 2011 1:32 am من طرف أحمد ابراهيم

» لهذا لم ينشر كتابى العدد الثانى ( لماذا غابت البسمات الجزء الاول )
الأحد أغسطس 28, 2011 9:56 am من طرف أحمد ابراهيم

» لهذا لم ينشر كتابى العدد الثالث ( لماذا غابت البسمات الجزء الثانى )
الخميس أغسطس 18, 2011 8:58 pm من طرف أحمد ابراهيم

» لهذا لم ينشر كتابى العدد الاول
الخميس أغسطس 18, 2011 8:49 pm من طرف أحمد ابراهيم

» تاريخ من المجاعات
الخميس أغسطس 18, 2011 8:42 pm من طرف أحمد ابراهيم

» وقفات من حياة الامام الحسن البصرى
السبت أغسطس 13, 2011 10:43 am من طرف أحمد ابراهيم

» وقفات من حياة الامام الحسن البصرى
السبت أغسطس 13, 2011 10:41 am من طرف أحمد ابراهيم

» 12 دعوة ندعوها بالسجود وربنا يستجب لنا
الأربعاء أغسطس 03, 2011 11:09 pm من طرف m7md rabi3

» بيان بالحد الأدني للقبول بكليات ومعاهد المجموعة العلمية لعام 2011
الأربعاء أغسطس 03, 2011 10:22 pm من طرف m7md rabi3

ازرار التصفُّح
Cursors
عداد الزوار

.: عدد زوار منتدى الأستاذ/أحمد إبراهيم :.

elrashid.talk4her.com

شاطر | 
 

 رحلة الانتظار

اذهب الى الأسفل 
كاتب الموضوعرسالة
أحمد ابراهيم



عدد المساهمات : 42
تاريخ التسجيل : 12/07/2010

مُساهمةموضوع: رحلة الانتظار   الخميس يونيو 16, 2011 11:18 am

أعتذر لاعضاء المنتدى وزواره عن انقطاعى الطويل عن الكتابة والمشاركات وها هى أولى مشاركاتى بعد طول غياب وهو مقال بعنوان " رحلة الانتظار "
كثيرا مما يعرفنى يعرف انى مؤمن بأن ذلك الشعب له رحلة طويله مع المعاناة على مر العصور المختلفة وذلك الشعب يتقلب فى بحر عميق من المعاناة ولكن مع تلك المعاناة تجد شعبا لدية قدرة نادرة على التحمل والانتظار رافعا شعار " غدا يوم أخر " دايما بنقول لبعض اكيد بكرة هيبقى احلى مع ان اوقات كتير بيجى بكرة وبيكون اسوء بكتير من انبارح .
انا مش هتكلم زيى ما اتعود معظم طلابى عن تاريخنا الطويل من المعاناة لكن انا هتكلم عن حاجه تانية خالص وهى رحلة الانتظار وبردو مش هجيب تاريخنا منذ العصور السحيقة انا هتكلم عن الانا اوعى عليه
انا اتولدت فى البلد دى لقات ليها رئيس واحد مكنتش لسه اتولدت اليوم المسك فيه الحكم لكنى اعرف الاجواء المشبوهه التى اعتلى بها عرش مصر من استفتاء مشبوة بعد اغتيال الرئيس السادات وكان الطبيعى بحكم انه كان نائب " والله يسامحك بقى يا سادات " انه يباشر اعمال رئيس الجمهورية حتى تجرى الانتخابات والتى تحولت الى استفتاء هل ترغب ان يكون محمد حسنى مبارك رئيسا لجمهورية مصر العربية ؟؟ وامامك اختيارين اما نعم - او نعم وطلعت النتيجة ساحقه حتى الاموات فى قبورهم قالوا نعم لمبارك قلنا وماله ننتظر ونشوف الراجل ده ممكن يعمل ايه جايز يغير تاريخنا الطويل مع المعاناة " جه يكحلها عماها " وكالعادة وقفنا نتفرج ونستنى ونبص حولينا ومفيش جديد قالوا يا جماعة مدة الحكم 6 سنين بس الراجل هيلحق يعمل ايه ولا ايه ادوله فرصه تانية فضلنا نبص لبعض وقلنا وماله نستنى شوية كمان فات الكتير يا ولاد مبقاش الا القليل , "الراجل عمر وطور وغير المكنش ممكن يتغير " اوعى تصدقوا د كلام الحكومة , اصلهم هما دايما كده عندهم نظرة ثاقبة بيقدروا يشوفوا الاحنا مبنشفهوش وفضلنا بردو نبص لبعض لحد ما بصانا ولقانا ضاع من عمرنا 30 سنة من الانتظار وبعد ال30 سنه بيقولوا لنا معلش اصله ملحقش فهيكمل "جمال " وياصبر ايوب .
وقامت الثورة العمرى ما شوفتها لو حتى فى منام ولو حد جه وحكى لى عنها كنت بقول د مجرد أحلام ومن يوم ما قالوا عيزين نغير النظام وكل يوم نقول لنفسنا ها سقط النظام ؟ فيقولوا لسه طب نصطبر شوية كمان والمرة دى رحلة الانتظار مش طولت زيى ما طول عمرنا متعودين قلنا معقول الحلم العمرنا ما حلمناة حصل الخيال اتجسد وبقى حقيقة طب خلاص خلصنا تاريخنا مع المعاناة قالوا لاء لسه شوية اصل لسه فاضل شوية بقايا للنظام قلنا مش مهم نستنى كمان شوية وكمان شوية على ما نقدر نرجع الاستقرار . يااااااااااا اد ايه الشعب ده صبور وكأننا من نسل النبى ايوب .
وقالوا طب نجيب حكومة مؤقته تسير الاعمال على ما تتعمل انتخابات وعبدها هيجلنا واحد يقولنا ياربت تفضلوا مستنين وهنفضل مستنين وياريت يا سامعين تكون فهمتوا انا عايز اقول ايه يعنى انا عايز اقول اننا هنفضل مستنين .
الرجوع الى أعلى الصفحة اذهب الى الأسفل
basel_elmasry

avatar

عدد المساهمات : 8
تاريخ التسجيل : 25/09/2010
العمر : 23

مُساهمةموضوع: رد: رحلة الانتظار   الخميس يونيو 16, 2011 8:34 pm

اولا يا مستر حمد الله علي السلامه ويا رب نقرا كل يوم موضوع لحضرتك ........ ثانيا بالنسبه لحكاية ان احنا ساعات بنقول ان بكره هيبقي احلي ومش بيبقي احلي ......... فيه كتاب مشهور جدا للدكتور ابراهيم الفقي اسمه قوة التفكير في الكتاب ده ....... دكتور ابراهيم حدد ست قوانين العقل الباطن ....... رقم 3 فيهم اسمه قانون التوقع والانجذاب بيقول : أي شيء تفكر فيه وتتوقعه وتربط به أحاسيسك ينجذب إليك من نفس النوع ايجابي او سلبي ........ وبيقول في نفس الكتاب ان التفكير بيخلق التركيز والتركيز بيخلق الاحساس والاحساس بيخلق السلوك والسلوك بيخلق النتيجه -ايجابيه او سلبيه- يعني خلينا احسن نفكر في ان اللي جاي احلي علي راي تامر حسني
و احنا مستنيين الموضوع اللي جاي بفارغ الصبر
الرجوع الى أعلى الصفحة اذهب الى الأسفل
ادهم محمد 1



عدد المساهمات : 2
تاريخ التسجيل : 09/07/2011

مُساهمةموضوع: السهل الممتنع    السبت يوليو 09, 2011 9:47 pm

طول عمرك جامد يا مستر أحمد
الرجوع الى أعلى الصفحة اذهب الى الأسفل
m7md rabi3
Admin
Admin
avatar

عدد المساهمات : 178
تاريخ التسجيل : 07/04/2010
العمر : 23

مُساهمةموضوع: رد: رحلة الانتظار   الأربعاء يوليو 13, 2011 7:52 am

الكبير كبير..............الف حمدالله على السلامه ياأ/أحمد ..........بجد وحشتنا ووحشتنى انا شخصيا........
الرجوع الى أعلى الصفحة اذهب الى الأسفل
http://elrashid.talk4her.com
 
رحلة الانتظار
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: القسم الادبى :: كتابات الأستاذ/أحمد إبراهيم-
انتقل الى: